Apuntes de baloncesto

Baloncesto para primaria de Iván Olivares

Valores do deporte e emocións

O vídeo que aparece a continuación representa accións de futbolistas que os enriquecen e dignifican como grandes deportistas. Moitas veces dicimos que o fútbol é antieducativo, porque normalmente non se ven xestos e actitudes que indican valores correctos, que todo deportista debería seguir. Exemplos como a falta de respecto ao árbitro, os enganos dos futbolistas cando finxen dor por unha acción dun contrario que nin lles toca, enganar ao árbitro finxindo un penalti...

Pois aquí tedes unha proba de que o fútbol, se queremos, tamén é un deporte que pode ser altamente educativo e cunha transmisión de valores moi enriquecedora. 

A importancia dos valores no deporte

Hai unha serie de carteis que me levan acompañando durante moitos anos e que fan referencia a unha serie de valores sen os cales o deporte e a actividade física non terían apenas sentido. Soamente son unha selección dos máis importantes e quero compartilos con vós, xa que baixo o meu punto de vista eses valores serán o gran obxectivo a acadar na Educación Física escolar.