Habilidades con monopatíns (4º, 5º e 6º de Primaria)

Unidade didáctica na que o alumnado se enfronta a diferentes problemas motrices mediante o uso dos monopatíns. Trátase de acadar un dominio adecuado sobre o mesmo de xeito que sexan capaces de autopropulsarse para poder avanzar, establecer relacións de confianza cando practican a propulsión por parellas, ser capaces de guiar o monopatín cara onde eles queiran, manter diferentes posicións de equilibrio sen agarre do monopatín...

Traballando o esquema corporal (2º de Primaria)

Ao longo desta unidade didáctica traballamos varios conceptos de esquema corporal por medio da motricidade: debuxamos siluetas dos nenos/as sobre un papel para logo resaltar as diferentes articulacións e realizar un xogo de puntería (tipo diana); o concepto de dimensión corporal atravesando diferentes obxectos e incluso o corpo dos compañeiros/as; golpeos ao globo con diferentes partes do corpo (dedos, puños, xeonllos, cóbados…); equilibrios por parellas con dous globos colocados en diferentes partes do corpo...

En definitiva, un cúmulo de vivencias e experiencias por medio da motricidade que permitan un mellor coñecemento do seu corpo.

Saltos con corda (5º de Primaria)

Saltos con corda (6º de Primaria)

Amósase aquí unha selección dos diferentes saltos con corda practicados nas sesións de Educación Física: saltamontes, abrir e pechar, cruzado, torero, slalom, tesoiras...así coma outras de carácter máis personalizado e inventados polos propios alumnos/as.