Partes dunha brúxula

Aquí tedes un vídeo que amosa e explica as partes dunha brúxula. Comentarvos que non tódalas brúxulas son iguais. De feito, o vindeiro día que teñamos una nova práctica de orientación, decatarédesvos que hai partes nas nosas brúxulas que non van aparecer.
O que si aparece en todas son as partes elementais e básicas: limbo, frecha de dirección, agulla imantada...
Ide afianzando estas palabras porque van a ser fundamentais para as seguintes clases de orientación.

II Xornadas Intercentros Cambre

No día de onte celebramos unha nova xuntanza entre o alumnado de 6º curso de Primaria dos CEIP Wenceslao Fernández Flórez, CEIP Portofaro e CEIP Graxal. Nesta volta realizamos as actividades na contorna do noso colexio, aproveitando o parque Ramón Barba máis o parque biosaudable que hai no paseo marítimo.
Serviu asemade de nova toma de contacto entre alumnado que para o vindeiro curso acabarán coincidindo no Instituto.