Educación Fïsica na casa. Sesión 3. Contrarreloxo individual de ciclismo

Nesta sesión explícovos como realizar unha contrarreloxo individual de ciclismo con chapas ou tapóns. Primeiro teredes que debuxar as equipacións dos equipos profesionais que vós queirades. Neste enlace saen os equipos máis destacados para este 2020.

https://www.ciclo21.com/los-maillots-y-bicicletas-profesionales-2020/

A continuación realizaredes o voso percorrido particular, cunha saída e unha meta. Intentade rexistrar e anotar nun caderno os tempos que fai cada ciclista para así poder facer unha clasificación final. Resultaravos máis divertido. 

Usade o voso inxenio e creatividade para darlle o voso toque persoal. Esta actividade dá para discurrir moito. Incluso podedes realizar varias etapas con percorridos diferentes, cunha clasificación diaria de etapa e outra clasificación xeral.  Así saberedes que postos van ocupando os diferentes ciclistas tal e como sucede no ciclismo profesional.  

Por último indicarvos que ningunha das actividades, xogos ou habilidades que vos explico nestes vídeos son obrigatorias. Soamente son ideas, propostas... para poder pasar este tempo que estamos pechados na casa dunha maneira máis amena e estar, dalgunha maneira, algo máis activos. Se as facedes e practicades que sexa por diversión.  

ÁNIMO!! 

Sesión 3. Contrarreloxo individual de ciclismo