Educación Física na casa. Sesión 6. Habilidades cun iogurcesto

No vídeo de hoxe explico como elaborar un iogurcesto e algúns exemplos de habilidades para practicar. Invítovos a que as propoñades coma un reto familiar, é dicir, que irmáns, irmás, papás, avós… vos retedes para ver quen consegue ser máis habilidoso/a. Asegúrovos que están garantizadas unhas risas, que boa falla nos fan nestes días de estar confinados.

Trátase dun xogo que "engancha". Lémbrame moito a un que vos vin practicar infinidade de veces no colexio: o da botella de auga medio chea que hai que voltear no aire para que caia de pé.

A práctica destas habilidades permítenos desenrolar a coordinación óculo-manual (ollo-man) e óculo-pédica (ollo-pé).

Sesión 6. Habilidades cun iogurcesto.